இதோ இந்த மேஜை மேல்
வைக்கப்பட்டிருக்கும் தோட்டா
ஒரு நைன் எம்மெம் ரிவால்வரிலிருந்து
வெளி வந்த ஒன்று.

சுற்றியிருக்கும் இரத்தக் கறை
அது சுடப்பட்டு நேரமாகவில்லை யென
தெரிவிக்கிறது.

இந்த தோட்டாவைக் கொண்டு
அதன் உரிமையாளரை வெகுச்
சுலபமாக கண்டுபிடித்துவிட முடியும்.
சுட்டவனை அல்ல.

அந்த இரத்தக்கறைகளை துடைத்து பாருங்கள்.
ஒருவேளை அதில் பெயரெழுதியிருக்கக் கூடும்.

ஒவ்வொரு கோதுமையிலும் அதைப்
புசிப்பவனின் பெயரிருக்குமாமே
அதைப் போல.

நிசமாகத்தான் சொல்கிறீர்களா..

நீங்கள் ஏன் உங்கள் தொப்பிகளை
கழற்றிக் கையிலடுத்து நெஞ்சோடு
அணைத்துக் கொள்கிறீர்கள்..

அதில் ... அதில்...

என் பெயரா எழுதியிருக்கிறது.